PAGLAKI KO

Wala akong AMA na kasa-kasama

Sa aking madalas na pag-iisa

Sabi ni Nanay nasa malayo ka raw

Yamay iyong dala pag-uwi mo balang-araw.

 

Kaming mag-ina laging magkasama

Sa tuwat ligaya kami ay iisa

Bakit ang iba mahigit sa dalawa?

Higit ang saya nila

Dahil ba sa may TATAY sila?

 

Sa paglaki ko, AMA sa larawan

Pipilitin kong maintindihan

Paglaki ko, paglaki ko, paglaki ko.

Sa mura kong isipan

Hindi ko maintindihan

AMA sa larawan hinahagkan-hagkan

Hindi mayapos kapag kailangan.


Pagmamahal mula sa malayong bayan

Laging pinaabot sa mga liham

Sabi ni TATAY, 

Anak, sana sa paglaki mo

Maintindihan mo ang paglayo ko.

 
Sa Paglaki ko, AMA sa larawan

Pipilitin kong maintindihan

Sagot sa tanong ko kailan makakamtan

Paglaki ko, paglaki ko, paglaki ko.

By: Federico Franco 

**An entry to OFW Music Festival a couple of years ago, sung by Michelle Ann Torrefranca whose lyrics touches every ones heart. The song was composed by an OFW in Saudi Arabia in the person of Mr. Federico Franco.